ਦਿਨ ਚੜ੍ਹਦੇ ਹੀ ਟ੍ਰੈਫਿਕ ਪੁਲਸ ਦੀਆਂ ਸਾਰੀਆਂ ਟੀਮਾਂ ਨੇ ਬਿਨਾਂ ਹਾਈ ਸਕਿਓਰਿਟੀ ਨੰਬਰ ਪਲੇਟ ਵਾਲੇ ਵਾਹਨਾਂ ਨੂੰ ਫੜ੍ਹਨਾ ਸ਼ੁਰੂ ਕਰ ਦਿੱਤਾ ਹੈ। ਬਿਨਾ ਹਾਈ ਸਕਿਓਰਿਟੀ ਨੰਬਰ ਪਲੇਟ ਫੜ੍ਹੇ ਜਾਣ ਵਾਲਿਆਂ 'ਤੇ ਪਹਿਲੀ ਵਾਰ 2 ਹਜ਼ਾਰ ਅਤੇ ਦੂਜੀ ਵਾਰ 3 ਹਜ਼ਾਰ ਰੁਪਏ ਜੁਰਮਾਨਾ ਲਾਉਣ ਦਾ ਨਿਯਮ ਹੈ।

ਤੀਜੀ ਵਾਰ ਜ਼ੁਰਮ ਕਰਨ 'ਤੇ ਵਾਹਨ ਦੀ ਆਰ. ਸੀ. ਬਲੈਕ ਲਿਸਟ ਕਰਨ ਦਾ ਨਿਯਮ ਹੈ। ਵਾਹਨਾਂ 'ਤੇ ਹਾਈ ਸਕਿਓਰਿਟੀ ਨੰਬਰ ਪਲੇਟ ਲਗਵਾਉਣ ਲਈ ਆਨਲਾਈਨ ਹੀ ਅਪਲਾਈ ਕੀਤਾ ਜਾ ਸਕਦਾ ਹੈ, ਜਦੋਂ ਕਿ ਸ਼ਹਿਰ 'ਚ ਨੰਬਰ ਪਲੇਟ ਨੂੰ ਫਿੱਟ ਕਰਵਾਉਣ ਲਈ 2 ਕੇਂਦਰ ਬਣਾਏ ਗਏ ਹਨ। ਇਸ ਦੇ ਨਾਲ ਹੀ ਲੋਕ ਕੁੱਝ ਵਧੇਰੇ ਫ਼ੀਸ ਅਦਾ ਕਰਕੇ ਹੋਮ ਡਲਿਵਰੀ ਸਹੂਲਤ ਦਾ ਲਾਭ ਵੀ ਦੇ ਸਕਦੇ ਹਨ।