Health Budget 2025: ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਣ ਅੱਜ ਸੰਸਦ ਵਿੱਚ ਬਜਟ ਪੇਸ਼ ਕੀਤਾ। ਇਸ ਦੌਰਾਨ ਵਿੱਤ ਮੰਤਰੀ ਨੇ ਹੈਲਥ ਡਿਪਾਰਟਮੈਂਟ ਵਿੱਚ ਕਈ ਸਹੂਲਤਾਂ ਦਿੱਤੀਆਂ ਹਨ। ਬਜਟ ਪੇਸ਼ ਕਰਨ ਦੌਰਾਨ ਵਿੱਤ ਮੰਤਰੀ ਨੇ ਕਈ ਵਾਰ ਐਲਾਨ ਕੀਤੇ ਹਨ। ਜਿਨ੍ਹਾਂ ਵਿੱਚ ਕੈਂਸਰ ਹਸਪਤਾਲ ਵਿੱਚ ਡੇ-ਕੇਅਰ ਦੀ ਸ਼ੁਰੂਆਤ, ਭਾਰਤ ਵਿੱਚ ਮੈਡੀਕਲ ਟੂਰੀਜ਼ਮ ਲਈ ਆਸਾਨ ਵੀਜ਼ਾ ਉਪਲਬਧ ਕਰਵਾਇਆ ਜਾਵੇਗਾ। ਕੈਂਸਰ ਜਿਵੇਂ ਖਤਰਨਾਕ ਬਿਮਾਰੀ ਦਾ ਇਲਾਜ ਅਸਾਨੀ ਨਾਲ ਕੀਤਾ ਜਾਵੇਗਾ।

ਡੇ-ਕੇਅਰ ਦੀ ਸਥਾਪਨਾ

ਇਸਦੇ ਨਾਲ ਹੀ, ਕੈਂਸਰ ਅਤੇ ਹੋਰ ਗੰਭੀਰ ਬਿਮਾਰੀਆਂ ਦੀਆਂ ਦਵਾਈਆਂ ਦੀ ਕੀਮਤ ਘਟਾਈ ਜਾਵੇਗੀ, ਤਾਂ ਕਿ ਇਲਾਜ ਦੌਰਾਨ ਦਵਾਈਆਂ ਦੀ ਕੀਮਤ ਕਾਰਨ ਆਮ ਲੋਕਾਂ ਨੂੰ ਆਰਥਿਕ ਦਿੱਕਤ ਨਾ ਹੋਵੇ। ਨਿਰਮਲਾ ਸੀਤਾਰਮਣ ਨੇ ਐਲਾਨ ਕੀਤਾ ਕਿ ਕੇਂਦਰ ਸਰਕਾਰ ਰਾਜਾਂ ਦੇ ਸਹਿਯੋਗ ਨਾਲ ਪਿੰਡਾਂ ਵਿੱਚ ਆਮ ਲੋਕਾਂ ਦੇ ਕਲਿਆਣ ਲਈ ਸਿਹਤ ਸੁਰੱਖਿਆ ਦਿੰਦੇ ਹੋਏ ਇਸ ਬਜਟ ਵਿੱਚ 200 ਕੈਂਸਰ ਡੇ ਕੇਅਰ ਸੈਂਟਰ ਖੋਲਣ ਦਾ ਐਲਾਨ ਕੀਤਾ ਹੈ। ਇਸ ਨਾਲ ਪਿੰਡਾਂ ਦੇ ਮਰੀਜ਼ਾਂ ਨੂੰ ਸ਼ੁਰੂਆਤੀ ਚੈਕਅਪ ਵਿੱਚ ਸਹਾਇਤਾ ਮਿਲੇਗੀ। 

ਤੇਜ਼ੀ ਨਾਲ ਫੈਲ ਰਹੀਆਂ ਬਿਮਾਰੀਆਂ ਕਾਰਨ ਲਿਆ ਗਿਆ ਇਹ ਫੈਸਲਾ

ਭਾਰਤ ਵਿੱਚ ਨਾਨ-ਕਮਿਊਨੀਕੇਬਲ ਬਿਮਾਰੀਆਂ ਅਤੇ ਕਮਿਊਨੀਕੇਬਲ ਬਿਮਾਰੀਆਂ ਦੇ ਵਧਦੇ ਬੋਝ ਨਾਲ ਇੱਕ ਵਧਦਾ ਸਿਹਤ ਸੰਕਟ ਦਾ ਸਾਹਮਣਾ ਕੀਤਾ ਜਾ ਰਿਹਾ ਹੈ। ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਣ ਨੇ 1 ਫਰਵਰੀ ਨੂੰ ਬਜਟ 2025-26 ਵਿੱਚ ਸਿਹਤ ਦੇ ਮਾਮਲੇ ਵਿੱਚ ਮਹੱਤਵਪੂਰਨ ਐਲਾਨ ਕੀਤਾ ਹੈ। ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਅਤੇ ਜੀਨੋਮ ਅਨੁਕ੍ਰਮਣ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਦੀਆਂ ਮੁੱਖ ਪ੍ਰਾਥਮਿਕਤਾਵਾਂ ਵਿੱਚੋਂ ਇੱਕ ਹੈ। ਫਰਵਰੀ 2024 ਵਿੱਚ ਸਰਕਾਰ ਨੇ ਤਿੰਨ ਪ੍ਰਮੁੱਖ ਕੈਂਸਰ ਦਵਾਈਆਂ: ਟ੍ਰੈਸਟੁਜ਼ੂਮੇਬ ਡੇਰੈਕਸਟੇਕਨ, ਓਸਿਮਰਟੀਨਿਬ ਅਤੇ ਡੁਰਵਾਲੁਮਾਬ 'ਤੇ ਜੀਐੱਸਟੀ (goods and services Tax) ਵਿੱਚ ਕਟੌਤੀ ਕੀਤੀ ਸੀ।

ਚਿਕਿਤਸਾ ਦਵਾਈਆਂ ਦੇ ਨਾਲ-ਨਾਲ ਰੇਡੀਓਥੈਰੇਪੀ ਮਸ਼ੀਨਾਂ ਅਤੇ ਰੋਬੋਟਿਕਸ ਵਰਗੇ ਉੱਨਤ ਕੈਂਸਰ ਇਲਾਜ ਕਰਨ ਵਾਲੇ ਉਪਕਰਨਾਂ ਨੂੰ ਵੀ ਸ਼ਾਮਲ ਕੀਤਾ ਜਾਣਾ ਚਾਹੀਦਾ ਹੈ, ਜਿਨ੍ਹਾਂ 'ਤੇ ਜ਼ਿਆਦਾਤਰ ਕਰੀਬ 37% ਕਸਟਮ ਡਿਊਟੀ ਹੈ। ਇਨ੍ਹਾਂ 'ਤੇ ਸ਼ੁਲਕ ਸੰਰਚਨਾ ਨੂੰ ਤਰਕਸੰਗਤ ਬਣਾਉਣ ਨਾਲ ਦੇਸ਼ ਵਿੱਚ ਕੈਂਸਰ ਇਲਾਜ ਦੀ ਲਾਗਤ ਨੂੰ ਘਟਾਉਣ ਵਿੱਚ ਮਦਦ ਮਿਲੇਗੀ। ਭਾਰਤ ਵਿੱਚ ਸਿਹਤ ਸੇਵਾਵਾਂ ਨੂੰ ਬਦਲਣ ਵਿੱਚ ਇਹ ਇੱਕ ਵੱਡੀ ਭੂਮਿਕਾ ਨਿਭਾ ਸਕਦਾ ਹੈ।