ਮਸ਼ਹੂਰ ਪੰਜਾਬੀ ਗਾਇਕ ਮੀਕਾ ਸਿੰਘ ਨੇ ਵਿਆਹ ਕਰਨ ਦਾ ਫੈਸਲਾ ਕਰ ਲਿਆ

ਮਸ਼ਹੂਰ ਪੰਜਾਬੀ ਗਾਇਕ ਮੀਕਾ ਸਿੰਘ ਨੇ ਵਿਆਹ ਕਰਨ ਦਾ ਫੈਸਲਾ ਕਰ ਲਿਆ ਹੈ। ਜਿਸ ਲਈ ਉਹ ਟੀਵੀ ‘ਤੇ ਆਪਣਾ ਸਵਯੰਵਰ ਕਰਨ ਜਾ ਰਹੇ ਹਨ। ਮੀਕਾ ਸਿੰਘ ਦੇ ਸ਼ੋਅ ਦਾ ਨਾਮ ‘ਸਵਯੰਵਰ – ਮੀਕਾ ਦੀ ਵੋਹਟੀ’ ਹੈ। ਇਨ੍ਹੀਂ ਦਿਨੀਂ ਮੀਕਾ ਸਿੰਘ ਆਪਣੇ ਸ਼ੋਅ ਦਾ ਜ਼ੋਰਦਾਰ ਪ੍ਰਮੋਸ਼ਨ ਕਰ ਰਹੇ ਹਨ। ਮੀਕਾ ਸਿੰਘ ਨੇ ਦਿੱਲੀ ‘ਚ ‘ਸਵਯੰਵਰ – ਮੀਕਾ ਦੀ ਵੋਹਟੀ’ ਨੂੰ ਵੀ ਪ੍ਰਮੋਟ ਕੀਤਾ ਸੀ, ਪਰ ਉਹ ਇੱਥੇ ਆਪਣਾ ਆਪਾ ਗੁਆ ਬੈਠਾ ਅਤੇ ਇੱਕ ਰਿਪੋਰਟ ਨਾਲ ਦੁਰਵਿਵਹਾਰ ਕੀਤਾ।

ਅੰਗਰੇਜ਼ੀ ਵੈੱਬਸਾਈਟ ਦੀ ਖਬਰ ਮੁਤਾਬਕ ਮੀਕਾ ਸਿੰਘ ਨੇ ਦਿੱਲੀ ‘ਚ ਆਪਣੇ ਸ਼ੋਅ ‘ਸਵਯੰਵਰ’ ਦੇ ਪ੍ਰਮੋਸ਼ਨ ਦੌਰਾਨ ਇਕ ਸੀਨੀਅਰ ਰਿਪੋਰਟਰ ਨਾਲ ਬਦਸਲੂਕੀ ਕੀਤੀ ਹੈ। ਈਵੈਂਟ ਨਾਲ ਜੁੜੇ ਸੂਤਰਾਂ ਨੇ ਵੈੱਬਸਾਈਟ ਨੂੰ ਦੱਸਿਆ ਕਿ ਇਹ ਘਟਨਾ ਬੈਂਕੁਏਟ ਹਾਲ ‘ਚ ਉਸ ਸਮੇਂ ਵਾਪਰੀ ਜਦੋਂ ਇਕ ਨਿਊਜ਼ ਚੈਨਲ ਦੇ ਸੰਪਾਦਕ ਨੇ ਮੀਕਾ ਤੋਂ ਅਦਾਕਾਰਾ ਰਾਖੀ ਸਾਵੰਤ ਦੇ ਸ਼ੋਅ ‘ਚ ਹਿੱਸਾ ਲੈਣ ਬਾਰੇ ਪੁੱਛਿਆ।

ਉਸ ਨੇ ਮੀਡੀਆ ਦੇ ਸਾਹਮਣੇ ਆਪਣੇ ਆਪ ਨੂਮ ਸ਼ਾਂਤ ਰੱਖਿਆ, ਪਰ ਜਲਦੀ ਹੀ ਘਟਨਾ ਵਾਲੀ ਥਾਂ ਤੋਂ ਚਲੇ ਗਏ। ਇਸ ਤੋਂ ਬਾਅਦ ਸਵਾਲ ਪੁੱਛਣ ਵਾਲੇ ਰਿਪੋਰਟਰ ਅਤੇ ਸ਼ੋਅ ਦੀ ਪੂਰੀ ਟੀਮ ਨੂੰ ਇੱਕ ਕਮਰੇ ਵਿੱਚ ਬੁਲਾ ਕੇ ਰਿਪੋਰਟਰ ਨਾਲ ਬਦਸਲੂਕੀ ਕੀਤੀ ਗਈ। ਮੀਕਾ ਸਿੰਘ ਨੂੰ ਜਦੋਂ ਰਾਖੀ ਸਾਵੰਤ ਬਾਰੇ ਸਵਾਲ ਪੁੱਛਿਆ ਗਿਆ ਤਾਂ ਉਹ ਗੁੱਸੇ ‘ਚ ਆ ਗਏ। ਸੂਤਰਾਂ ਮੁਤਾਬਕ ਸਿੰਗਰ ਨੇ ਕੁਝ ਅਜਿਹਾ ਕਿਹਾ ਜਿਸ ਦੀ ਤੁਲਨਾ ਨਹੀਂ ਕੀਤੀ ਜਾ ਸਕਦੀ। ਇਸ ਤੋਂ ਬਾਅਦ ਮੀਕਾ ਸਿੰਘ ਨੇ ਹੋਰ ਖਬਰਾਂ ਨੂੰ ਵੀ ਇੰਟਰਵਿਊ ਦੇਣ ਤੋਂ ਇਨਕਾਰ ਕਰ ਦਿੱਤਾ।