200 ਅੰਕ ਚੜ੍ਹ ਸੈਂਸੈਕਸ 57,800 ਦੇ ਪਾਰ, ਨਿਫਟੀ 17300 ਦੇ ਨੇੜੇ

ਸ਼ੇਅਰ ਬਾਜ਼ਾਰ ‘ਚ ਅੱਜ ਉਛਾਲ ਦੇ ਨਾਲ ਬਾਜ਼ਾਰ ਖੁੱਲ੍ਹਿਆ ਹੈ ਅਤੇ ਸ਼ੁਰੂਆਤ ‘ਚ ਹੀ ਸੈਂਸੈਕਸ ਅਤੇ ਨਿਫਟੀ ਚੰਗੇ ਵਾਧੇ ਨਾਲ ਕਾਰੋਬਾਰ ਕਰ ਰਹੇ ਹਨ। ਕੱਲ੍ਹ ਅਮਰੀਕੀ ਬਾਜ਼ਾਰਾਂ ‘ਚ ਵੀ ਚੰਗੀ ਉਛਾਲ ਦੇਖਣ ਨੂੰ ਮਿਲੀ ਅਤੇ ਇਸ ਦਾ ਅਸਰ ਗਲੋਬਲ ਬਾਜ਼ਾਰਾਂ ਦੀ ਧਾਰਨਾ ‘ਤੇ ਦੇਖਣ ਨੂੰ ਮਿਲ ਰਿਹਾ ਹੈ। ਏਸ਼ੀਆਈ ਬਾਜ਼ਾਰਾਂ ਤੋਂ ਮਿਲੇ-ਜੁਲੇ ਸੰਕੇਤ ਮਿਲ ਰਹੇ ਹਨ।

ਅੱਜ ਦੇ ਕਾਰੋਬਾਰ ‘ਚ ਬੀਐੱਸਈ ਦਾ 50 ਸ਼ੇਅਰਾਂ ਵਾਲਾ ਸੂਚਕ ਅੰਕ ਸੈਂਸੈਕਸ 221.27 ਅੰਕ ਭਾਵ 0.38 ਫੀਸਦੀ ਦੀ ਤੇਜ਼ੀ ਨਾਲ 57,814 ‘ਤੇ ਖੁੱਲ੍ਹਿਆ ਅਤੇ ਨਿਫਟੀ 75.20 ਅੰਕ ਭਾਵ 0.44 ਫੀਸਦੀ ਦੇ ਵਾਧੇ ਨਾਲ 17,297 ‘ਤੇ ਖੁੱਲ੍ਹਿਆ।

ਕੱਲ੍ਹ ਦੇ ਕਾਰੋਬਾਰ ‘ਚ ਸੈਂਸੈਕਸ 231.29 ਅੰਕ ਜਾਂ 0.40 ਫੀਸਦੀ ਦੇ ਵਾਧੇ ਨਾਲ 57,593 ‘ਤੇ ਬੰਦ ਹੋਇਆ। ਇਸ ਤੋਂ ਇਲਾਵਾ ਨਿਫਟੀ ਇੰਡੈਕਸ 69.00 ਅੰਕ ਜਾਂ 0.4 ਫੀਸਦੀ ਦੇ ਵਾਧੇ ਨਾਲ 17,222 ‘ਤੇ ਬੰਦ ਹੋਣ ‘ਚ ਕਾਮਯਾਬ ਰਿਹਾ।